Terapevt-Kardioloq və Ozonoterapevt. Mercan Clinic.
Dr. Aytən Yüzbaşıyeva Mercan Clinic-in kardiologiya şöbəsində fəaliyyət göstərən kardioloq-terapevtdir. Ürək-damar xəstəliklərinin diaqnostikası, daxili xəstəliklərin idarə olunması və ozonoterapiya onun əsas ixtisas sahələridir. Müayinə ən müasir diaqnostik avadanlıqlarla təmin olunmuş şəraitdə həyata keçirilir.
Klinik təcrübədə həkim ürək xəstəliyini izolasiya olunmuş problem kimi yox, bütün orqanizm vəziyyəti ilə bağlı kompleks hal kimi qiymətləndirir. Bu səbəbdən hər müayinə ürəkdən başlasa belə, qan göstəriciləri, hormonal vəziyyət, böyrək və qaraciyər funksiyaları, vitamin və mineral statusu da diqqətdən qaçmır.
Qəbula YazılEyni diaqnoz fərqli insanlarda fərqli müalicə tələb edir. Yaş, analizlər, ritm, təzyiq, xolesterin, yanaşı xəstəliklər və həyat tərzi. Bütün bunlar nəzərə alındıqda standart resept əvəzinə həqiqi nəticə verən müalicə alınır.
Ürək xəstəlikləri illərlə əlamətsiz inkişaf edir. Gizli infarkt keçirən insanların yarısı bunu bilmir. Erkən aşkarlama yalnız qəfil hadisənin qarşısını almağın yox, müalicə nəticələrini də əhəmiyyətli dərəcədə yaxşılaşdırmağın yoludur.
Anemiya, qalxanabənzər vəz pozğunluqları, böyrək və qaraciyər patologiyaları ürəyə birbaşa təsir edir. Terapevtik biliklə kardioloji yanaşmanın birləşməsi tam diaqnoza imkan verir.
Ozonoterapiya əlavə müalicə deyil, klinik göstərişlərə əsasən tətbiq olunan elmi vasitədir. İmmunitetin gücləndirilməsi, qan dövranının yaxşılaşdırılması, xroniki yorğunluq və metabolik problemlərdə effektivdir.
Müayinə xəstəlik başlayanda yox, başlamadan əvvəl dəyərlidir. Gecikmiş diaqnoz daha çətin və uzun müalicə, erkən diaqnoz isə daha sürətli və effektiv nəticə deməkdir. Klinik müşahidə
Təzyiq dərmanları qabaqlayıcıdır, profilaktikadır, təcili yardım deyil. Onlar təzyiq qalxmasın deyə qəbul olunur, qalxdıqdan sonra yox. Bir qutu bitdi deyə müalicə də bitmir. Klinik müşahidə
İnfarkt həmişə klassik sinə ağrısı ilə gəlmir. Bəzən nəfəs darlığı, yorğunluq, hətta sadəcə narahatlıq hissi ilə də gələ bilər. Diqqətli olun, əlamətləri görməzlikdən gəlməyin. Klinik müşahidə
Hansı müayinələrdən keçim sualının dəqiq cavabı yalnız xəstə ilə üz-üzə görüşdükdə mümkündür. Hər xəstənin vəziyyəti fərqlidir. Ona görə də analiz və müayinə təyinatı yalnız fərdi qiymətləndirmədən sonra verilir. Klinik müşahidə